Америцькый презідент Доналд Трамп бы міг здобыти Нобелову ціну за мир лем втогды, кідь бы заставив конфлікт міджі Ізраїлом і палестиньскым мілітантным рухом Гамас в Пасмі Ґазы, повів вчера французьскый презідент Еммануел Мацрон в дебаті про телевізію BFMTV на кінці Вальной асамблеї OSN в Ню Йорку. Інформує о тім  аґентура AFP. „Нобелова ціна за мир є можна лем втогды, кідь заставите тот конфлікт,“ высловив Макрон в дебаті і додав, же „в сучасній сітуації є лем єдна особа, котра бы могла дашто зробити – америцькый презідент“. Арґументовав фактом, же Сполучены Штаты Ізраїлю додавають зброю, „котра уможнює вести конфлікт в Ґазї“. (TASR, Пкф)