Америцькый презідент Доналд Трамп у віторок выголосив, же не хоче „даремну стрічу“ з російскым презідентом Владиміром Путіном. Высловив ся так по тім, як высокый представитель Білого дому інформовав, же презіденты США і Росії не мають в плані стрітити ся в найблизшій будучности. Трамп повів, же не хоче страчати час. Шеф Білого дому назначів, же головным пунктом незгоды зістало тото, же Росія не хоче заставити бої на сучасній фронтовій лінії. Трамп з Путіном телефонічно бісідовав минувшый тыждень. По телефонаті інфрмовав, же ся доїднали на стрічі в Будапешті, котра бы ся могла зреалізовати до двох тыжднів. Трамп ся із Путіном стрітив тот рік уж в авґусті на Алясці.

(Медвідь, TASR)