Америцькый презідент Доналд Трамп одкрыв план створити про Сполучены штаты ракетовый щіт „Золота купола“, котрый мать країну хранити перед неприятельскыма атаками. Інформують о тім  аґентуры AFP і AP. Щіт мать быти функчный до кінця його другого періоду у функції презідента, то значіть до року 2029. Трамп єдночасно оголосив, же догляд над поступом роботы буде выконовати днешній заступця началника космічных сил ґенерал Майкл Ґуетлін. Протіракетовый щіт Золота купола мать подля планів оперовати на теріторії і в космічнім просторі і быти способный детектувати і заставити стрілы під час каждой з четверо головных фаз потенціального атакы: перед выпущіньом, під час скорой фазы лету, в середині його, і в заключіню під час паду на ціль. Золота купола по першый раз рахує з хоснованьом протіракетовой  зброї в космічнім просторі. (TASR, Pkf)