Америцькый презідент Доналд Трамп по веце як двогодиновім пенедільковім телефонаті із своїм російскым партнером Владиміром Путіном оголосив, же Росія і Україна безодкладно почнуть переговоры о перемірю і закінчіню войны. Конверзацію з Путіном означів за барз добру. Трамп о резултатах розговору з Путіном такой по телефонаті інформовав україньского презідента Володиміра Зеленьского, предсидательку Европской комісії Урсулу фон дер Леєнову, французьского презідента Еммануела Макрона, італійску премєрку Джорджу Мелоніову, німецького канцеларя Фрідріха Мерца і фіньского премєра Александра Стубба. Путін розговор з Трампом означів за щірый, інформатівный і хосенный. Росія є подля нього приготовлена співпрацовати з Українов на меморандумі о будучім мірнім договорі, котрый бы міг обсяговати вопросы будучого переміря і прінціпы закінчіня конфлікту.

(Медвідь, TASR)