Америцькый презідент Доналд Трамп по недільняйшых переговорах свого тіму із представителями Україны на Флоріді выголосив, ще існує „добра шанса“ на досягненя договору о закінчіню войны меджі Українов і Російов. Єдночасно конштатовав, же корупційный шкандал, котрый засягнув владу в Києві, тым намагам не помагать. Україньскый презідент Володимір Зеленьскый на платформі X по переговорах на Флоріді подяковав Трампови за час, котрый присвячать намагам о закінчіня войны. Джерело близке Трамповій адміністратіві в неділю подля аґентуры AFP інформовав, же шпеціалный посол Трампа Стів Віткофф днесь прийде до Москвы, де бы мав у віторок бісідовати із російскым презідентом Владиміром Путіном.

(Медвідь, TASR)