Турція буде помагати стабілізації Балкану
00

Турція буде помагати країнам Балкану рішыти їх довгодобы проблемы посередництвом діалоґу і співпраці. В понедільок то в Белеграді выголосив турецькый презідент Речеп Таїп Ердоґан. Інформовала о тім аґентура Associated Press. Ердоґан то выголосив в рамках свойой дводньовой навщівы Сербії, почас котрой мають лідры обидвох держав вєдно з представителями Босны святочно одкрыти нову драгу з Белеграду до Сараєва. Сербскый презідент Александар Вучіч означів при тій нагоді сучасны сербско-турецькы односины за „найліпшы в модерній історії“. Аґентура припоминать, же Турція має в балканьскім реґіоні найблизше ку Боснякам, котры суть векшыново музулманами.
(Медвідь, TASR)
-
Назад / Nazad Oktoberfest в Мніхові навщівило в часі двох тыжднів коло 6,3 міліонів людей
-
Далше / Dalše Борелл підтримав санкції проти Росії