Польскый премєр Доналд Туск у четверь ознамив, же перед юловым самітом NATO буде у Варшаві роковати з україньскым презідентом Володимиром Зеленьскым. Туск і Зеленьскый ся о білатералнім рокованю договорили протягом стрїчі попри самітї ЕУ в Бруселї. ,,Унія похопила то, што Поляци знають од зачатку той войны: обрана Україны є обранов Европы. З презідентом Зеленьскым сьме ся договорили на рокованю у Варшаві, котре буде іщі перед самітом NATO,“ написав польскый премєр на сїтї X передтым, як брав участь на задїсаню Европской рады.

(TASR, Шутіова)