Україна оголосила в понедільок пізно вечур, же заставить публічный транспорт, запре бары, рештаврації і накупны центры з цільом заборонити пошырьованю нового коронавірусу. Пришло ку тому по тім, што презідент Володимір Зеленьскый приобіцяв „твердо, урґентно а може непопуларно“ діяти, інформовала аґентура AFP. Влада підпорила Зеленьского пропозіції і од середы заставить реґуларны автобусовы і желізнічны споїня меджі україньскыма містами і до 3-го апріля цалком запре три сістемы метра – в Києвї, Харкові і Дніпрі. Заказаны суть і події з участьов над 10 людей. На Україні дотеперь потвердили 7 припадів новой хвороты з тым, же єден чоловік на то вмер.

(Медвідь, TASR)