Україньскы посланці на вчерайшім голосованю одмітнули номінацію Дениса Шмигаля до функції міністра енерґетікы і першого віцепремєра. Одхаджаючого міністра обороны і експремєра до чела нового резорту зачатком року запропонував презідент Володимир Зеленьскый. Пише о тім аґентура Reuters. За номінацію Шмигаля голосовало 210 посланців 450-членного парламенту. Подля аґентуры Укрінформ го підпорило лем 153 з 229 членів клубу Зеленьского партія Слуга народа. Міністерство енерґетікы зостає і надалі необсаджене. Парламент з веденя резорту іщі в новембрі одкликав Світлану Гринчукову по переваліню корупчного шкандалу повязаного з енерґетычкым сектором. (TASR, Пкф)