Україньскы діти неможуть быти в Росії адоптованы, до той країны были то значіть од зачатку інвазії Москвы на Україні у фебруарі переміщены тісячі дітей і дорастаючіх, попередила у вівторок представителька OSN Афшан Ханова. Інформації принесла пресова аґентура AFP. Орґанізація Обєднаных націй (OSN) уж зачатком марця высловила страх зо загрожіня нученых адопцій україньскых дітей, главні скоро 91.000 дітей, котры на зачатку войны жыли в інштітуціях або інтернатных школах, причім ся находили на выході Україны. (TASR, Pkf)