По семох роках має Русиньска католицька єпархія Покровы Пресвятой Богородіці у Фініксі, Споєны штаты Америкы, нового єпархіалного єпіскопа. 28-го януара 2025-го року в Храмі Благовіщенія Пресвятій Богородіці в Анагеймі быв рукоположеный і інтронізованый владыка Артур Бубневіч, новый єпарха Фінiксу. День перед єпіскопсков хіротонійов по вечурні склав новый єпарха єпіскопску присягу. Владыка Артур Бубневіч народив ся 22-го юна 1975-го року в Перечині, на Підкарпатю. Вступив до семінарії Мукачовской єпархії в Ужгороді, і в роках 1996 аж 2001 штудовав теолоґію, наперед в Ужгороді, пізніше на Меджінароднім теолоґічнім інштітуті про штудіум манжелства і родины в автрійскім Ґамінґу. Наперек тому, же в Піттбурзьскій митрополії є вже літурґічным языком анґліцькый язык, новый єпарха у Фінікці до свого єпіскопского ербу дав собі як мотто слова 17-го псалму по церьковнославяньскы. Фото: FB/ЛЕМ.ФМ. (ЛЕМ.ФМ, Пкф)