x

У Великобрітанії про брексіт абдіковав міністер

00

З влады брітаньской премєркы Терезы Мейовой у віторок абдіковав міністер справедливости Філіп Лі. Як пояснив, причінов його рішіня є то, же хоче мати як депутат нижньой коморы парламенту вольны рукы при слідуючіх голосованях о брексіті. Лі є довго знамый як тот, котрый є несогласный з брексітом і в сеймовні хотів підпорити установліня, котре звекшує права парламенту у вопросі брексіту. В такім припаді, кібы Сеймовня лордів не была спокійна з договором меджі ЕУ і Споєным кральовством, могла бы тот договор вернути і дотиснути владу продовжовати в їднанях з Унійов, покля бы ся не досягнув приятельнішый договор.
(TASR)

Прочітайте собі / Pročitajte sobi