Французьска поліція зачала вжывати дроны на граніцях з Італіёв, жебы выстоповала підвышуючу кількость приходячіх міґрантів. Інформовала о тім у четверь тискова аґентура DPA.  Поліцайна префектура в Ніс поволила вжываня дронів в даякых частях граніцї наперед на період трёх місяцїв. Без контролї зверьху было практічно неможне выстоповати міґрантів в тяжко приступній горьскій области з множством пішників, высвітлила префектура. Далшых 150 поліцайтів было насадженых на слїдованя граніцї і близко міста Ментон на югу. Подля префектуры было од зачатку того рока на югу італьско-французьской граніцї затриманых 12.607 міґрантів, што є о 40 процент веце напротив єднакому періоду влони.

(TASR, Шутіова)