Україньскый штатный концерн Укроборонпром а Аґентура про меджівладну обранну сполупрацу, котра ся односить ку чеському міністерству обраны, підписали договор о вытворїню сполочного обранного кластру. Ёго резултатом буде взник чесько-україньскых подників, котры будуть вырабляти воєньскый матеріал про україньску армаду. У четверь то увело чеське міністерство обраны, інформує справодайкыня TASR в Празї. Фірмы, котры належать під концерн Укроборонпром і компанії чеського обранного промыслу бы мали закладати сполочны подникы а навышыти так капаціты выробы воєньского матеріалу. Тот буде в першій фазї служыти потребам україньскых озброєных сил. Країны будуть сполупрацовати і в области утримованя і оправы збраней а воєньского выбавлїня. Цїлём є тыж вытворїня сполочных дослїджовательскых центер.

(TASR, Шутіова)