Чеськоморавска конфедерація профсоюзів выголосила в понедільок з безодкладнов платностьов штрайкову поготовость. Інформовав о тім їй председа Йосеф Стжедула. Іде о реакцію на владный паклик шпоровливых кроків, котры мають знижыти дефіціт державного розрахунку. Профсоюзы крітікують, же з нима нихто о окремых змінах не бісідовав. Чеська влада минувшый тыждень представила 58 кроків, котрых цільом є консолідовати публічны фінанції. В слідуючім році бы подля премєра Петра Фіалы мали знижыти сходок державного розрахунку о 94 міліард чеськых корун, што є приблизно 4 міліарды евр. Выразно ся знижать державны дотації, зрушеных буде 22 даньовых вынятків, дорогшы будуть автострады, але рахує ся наприклад і з піднятьом одводів про жывностників.

(Медвідь, TASR)