Ізраіль мав вырішыти одложыти довго очековану інвазію свойой армії до міста Рафаг на югу палестіньского Пасма Ґазы. Одложіня є повязане з атаков на Ізраіль, котру в ночі на неділю зробила іраньска армія. Інформовав о тім денник The Times of Israel. Подля америцькой інформачній телевізії CNN мала ізраільска армія в понедільок зачати давати розказы на евакуацію людей з Рафагу. Но тоты планы уж не мають быти пріорітов. Єднакы інформації принесло і ізраільске верейноправне телерадію KAN. Но партія Лікуд премєра Бенъяміна Нетанъягу тоты тверджіня дементує, доповнює денник.

(Медвідь, TASR)