Італія очікує, же з очкованям протів новому коронавірусу зачне даколи в часі меджі різдвяныма святами і Новым роком. Аґентурі Reuters то повіло неменоване джерело з оточіня тамтешньой влады. Італія у вівторок  з Німецьком, Франційов і пятіма дальшыма европскыма країнами ознамило, же буде вєдно коордінувати кампань повязану з очкованям, котрой зачаток ся очікує іщі перед кінцьом того року. Вакцінація ся шак може зачати аж по тім, як хоснованя вакціны од компанії Pfizer a BioNTech одобрить Европска лікова аґентура (EMA). Вердікт в тій справі споминана аґентура ознамить на своїм вынятковім засіданю, котре ся одбуде 21-го децембра. (TASR, Pkf)