Російскый плінареньскый концерн Ґазпром планує преферовати домашній торг  перед експортом пліну до загранича, протоже рахує з тым, же приближуюча ся зима буде холодна і з множеством снігу. Увів то у вівторок Серґей Ґустав, шеф дівізії Ґазпрому  про домашній торг Ґазпром-Межреґіонґас. Як інформувала  аґентура Ройтерс, котра ся одкликала на російскы джерела, подля Ґустова  позераючі ся на тогорічне горяче літо є потрібно рахувати в Росії зо сильнов зимов і домашній торг є вырішуючій. Ґазпром-Межреґіонґас додасть на російскый торг веце як 200 міліярд кубічных метрів пліну. (TASR, Pkf)