Найменше 19 людей вєдно девятьох дітей пришло о жывот і десяткы дальшых потерпіли пораніня при пожарі, котрый  вчера взникнув у вышковім 19-штоковім панеловім домі в америцькім Ню Йорьку. Найгоршый пожар в місті за три десятьріччя взникнув з причіны порухы електричного огрівача, ознамили містьтны пожарници. Інформації принесли аґентуры AP і AFP. Нюйорскый пожарный збор увів, же на місці засягувало коло 200 його членів. Староста Ню Йорку Еріц Адамс про телевізію CNN повів, же окрім 19 мерьтвых покы потвердили 63 пораненых. Тринадцять з них было в шпиталях в крітічнім ставі. Векшына пораненых ся надыхала дыму. (TASR, Pkf)