Майже 80 процент жен молодшых як 30 років є в Афґаністані вылученых із робочого і освітнього процесу, пише Орґанізація зъєдиненых народів у своїй віторковій справі. Орґанізація в ній остерігать, же покля буде владный Талібан далше знеможньовати женам і дівчатам приступ ку высшій освіті, чісло кваліфікованых жен на робочім рынку значно знижыть ся. Од року 2021, коли Талібан знова перевзяв власти, жены можуть штудовати максімално по сему класу основной школы. В децембрі заказали талібы женам і абсолованя здравотных курзів. Афґаньскы жены суть вылучены і з многых професій. Лем 24 процент жен має того часу роботу або собі єй актівно глядать. Многы суть примушены робити неофіціално і за барз малу мзду.

(Медвідь, TASR)