Председа польской владной партії Право і справедливость Ярослав Качіньскый в понедільок авізовав, же на кресло председы партії буде кандідовати уж лем раз. Остатній раз бы мав кандідовати на председу на зъїзді ПІС, котрый бы мав проходити по закінчіню пандемії, інформовала польска аґентура PAP. Аґентура пише, же таке оголошіня бы могло значіти зачаток кіцня карьєры єдного із найвпливнішых польскых політіків в постсоціалістічній ері той країны. Сам Качіньскый повів, же в партії „є вельо омного молодшых“, котры бы го могли вычеряти. Партійный зъїзд ПІС мав проходити в осени, но про пандемію го одложыли. Актуално ся здає, же бы міг проходити в першій части 2021-го року, пише аґентура PAP.

(Медвідь, TASR)