Мадярьска ропна команія MOL в понедільок оголосила, же з додавателями ропы і маїтелями роповодів підписала договоры заміряны на забезпечіня транспорту роповодом Дружба через Білорусь і Україну до Мадярьска і на Словакію. На основі тых договорів перебере ґрупа MOL властництво доткнутых обємів ропы на білорусько-україньскій граніці од 9-го септембра. Актуалны договры суть подля компанії повні в згоді зо вшыткыма релевантныма санкцінями і установлінями включно кроків приятых Европсков унійов і Українов. Подля віцепрезідента MOL Group Ґабріела Сабо новы договоры забезпечують утримательне рішіня про транспорт ропы роповодом Дружба. Уможнює то подля слов віцепрезідента продовжати в хоснованю найефектівнішой і найсполягливішой технолоґії спрацованя ропы в рафінеріях в Мадярьску і на Словакії, і в конечнім дослідку то помагать ку безпечности додавок в обидвох країнах.

(Медвідь, TASR)