Серьбска  премєрка Ана Брнабічова в  неділю протестовала проти одношіню NATO, EÚ і шефа европськой діпломації Йозепа Боррелла, котры одсудили атак на патролю поліцайной і юстічной місії EÚ заміряной на підпору правного штату в Косові (EULEX) і вызвали на ліквідацію барікад выбудованых Серьбами на севері Косова. Покы западны партнеры означіли забарікадуваня драг за протізаконне, подля Брнабічовой суть тоты барікады вызвов на мір і на то, абы меджінародне сполоченство зачало конати. (TASR, Pkf)