Адміністратіва америцького презідента Доналда Трампа роздумує о тім, жебы дати санкції у формі візовых обмеджінь на представителів Европской унії або їй членьскых держав одповідных за уплатньованя наряджіня ЕУ о діґіталных службах (DSA). Написала о тім аґентура Reuters з одкликаньом ся на дві познакомлены джерела. Білый дім крітікує наряджіня DSA, котре має подля Унії хранити права гражданів у онлайн просторі і реґуловати фунґованя платформ соціалных медій. Подля Білого дому є DSA заміряне на цензуру конзерватівных поглядів, а окрем того звекшує кельчікы америцькым технолоґічным компаніям. Даня санкцій на представителів Унії бы было подля Reuters безпрецедентным кроком, котрый бы далше ескаловав бой Трамповой адміністратівы проти того, што означує за намагы Унії умовчати конзерватівны погляды і обмеджіти слободу слова.

(Медвідь, TASR)