Обчаньске здружіня (ОЗ) Унія Ромів на Словакії вызывать председу влады СР Петра Пелеґрініго, жебы поміг Ромам зо села Завадка (близко Налепкова), котрым тот тыждень коло пожару згоріли обыстя. ОЗ пожадує матеріалну поміч, фінанчну поміч не жадать. Поміч собі передставлїють в матеріалній подобі, то значіть закуплїнём холем унімобунок про высше 50 людей, котры суть пожаром постигнуты. Тоты бы собі врай жытелї наслїдно знали одкупити через сплатковый календарь. ,,Село Завадка є барз слушне село. Жыють там люде, котры платять подїловы данї і суть заместнаны. Жадаме чісто матеріалну поміч, жебы мали де спати і жыли на слушній уровни. Ромове не хотять ніч безплатно,“ увів четверь на тлачовій конференції председа ОЗ Франтїшек Танко. Кедь ся помочі не дочекають, суть приправлены сполу з родинами прийти перед Уряд влады СР і вытримати там, покым бы ся не дочекали помочі. ,, Кедь ім теперь председа влады не поможе, так сі думам, же мено Петер Пелеґріні до будучности зо страны Ромів буде страчене,“ додав Танко.

    (TASR, Шутіова)