Новым штатным таёмником міністерства културы ся став Радослав Куташ. Вырїшила о тім у четверь влада СР, котра на своїм засіданю схвалила ёго выменованя до той функції. Куташ выштудовав на Універзітї Коменского в Братїславі журналістіку і право. В минулости уж пособив на міністерстві културы, де быв членом робочіх ґруп, комісій і порадных орґанів про медіалны і авдіовізуалны ґрупы а діґіталне высыланя. Міністерка културы Наталія Міланова (OĽaNO) про TASR зачатком апріля назначіла, же на міністерві културы СР бы мав пособити лем єден штатный таёмник.

(TASR, Шутіова)