Бардійовскый ярмарок  ся в тім року неодбуде, вырішыв о тім містьскый крізовый штаб. Причінов є страх о здравя і комфорт жытелів Бардійова, але і навщевників ярмарку, котрых чісло ся рахує на тісячі. Стропківськый ярмарок ся в тім року тыж дефінітівні зрушує, інформував о тім говорця міста Петер Новак. За його словами,  тогорічный ярмарок мав быти споєный і з орґанізуваням Словацько-польского дня реалізуваного  в рамках сполочного проєкту з містом Корцзіна. Пріматор міста Стропків Ондрей Брендза інформував, же тот крок прияли прото, же їм на першім місці іде о безпечність і охрану здравя вшыткых навщевників.. (TASR, Pkf)