Переможцьом волеб до Европского парламенту (ЕП) на Словакії ся стало Prograsívne Slovensko (27,81 процента), наслідує партія Smer-SD (24,76 процента), третім є рух Republika (12,53 процента). До европарламенту ся достали і кандідаты за Hlas-SD (7,18 процента) і KDH (7,14 процента). Посланцями в Европарламенті за Словакію стали ся Людовіт Одор, Любіца Карвашова, Мартін Гойсік, Вероніка Ціфрова Острігоньова, Міхал Віезік, Ліціа Иар (вшыткы за Progresívne Slovensko), Моніка Беньова, Катаріна Ротг Неведялова, Юдіта Лашшакова, Ерік Каліняк, Любош Блага (вшыткы Smer-SD), Мілан Угрік, Мілан Мазурек (обідвоє Republika), Міріам Лехманн (KDH) і Браніслав  Ондруш (Hlas-SD). Выходить то з офіціалных выслідків, котры опубліковала Штатна комісія про вольбы і контролю фінанцованя політичных партій. Волебна участь в соботняйшых вольбах до ЕП досягла 34,38 процента. (TASR, Pkf)