Найвызначнішы вызвы мадярьской діпломації з погляду новой америцькой адміністратівы, актуалных дій російско-україньской войны, і позіції Европской унії односно войны были головныма темами понедільковой стрічі председы мадярьской влады Віктора Орбана з мадярьскыма послами. Мадярьскый премєр в прояві звернув увагу діпломатів на можливости і вызвы мадярьской діпломації. Підкреслив, же меджінародный простор маневрованя Мадярьска за послідній рік значно розшырив ся. Орбан презентовав і проґрамовы пункты, котрыма хоче його влада досягнути перелом в економічній і політічній области.

(Медвідь, TASR)