Ізраїльскый премєрь Бенямін Нетанягу в часі навштівы у Вашінґтоні вчера повів, же Ізраїль планує понижыти цла і зреалізувати простішу обxодну выміну зо США, інформує о тім аґентура DPA. Нетанягу є першым заграничным лідром, котрый быв приятый в Білім домі од минулой середы, кедь америцька влада ознамила новы цла у вышці мінімалні 10 процент на довоз од скоро вшыткых своїх обходных партнерів. США суть найважнішыма союзниками Ізраїля, але Ізраїль напрік тому небыв выбратый з новых цел, причім дальшы цла у вышці 17 процент будуть на товары доважаны з Ізраїля увалены од завтра, доповнила DPA. Якраз в часі той навщівы Трамп презентовав свій план, абы США перевзяли контролю над войнов зніченым Пасмом Ґазы з цільом розвивати тот реґіон. Подля Трампового плану бы жытелі енклавы были переселены до арабскых країн і вылюднена теріторія бы ся поступово перемінила на ,,рівіеру Близького выходу‟. Тота Трампова візія шак выкликала побуріня нелем в арабскім світі, але і на западі.