Словеньска народна страна пропоновала на четверёвій коалічній радї редукцію самосправных країв з осмых на штири. Модел бы выходив з історічного ушоріня Словеньска а вытворив бы штири реґіоны, а то Братїслава, Запад, Середина, Выход. TASR о тім інформовала говоркыня СНС Зузана Шкопцова. Реформа самосправных країв бы подля страны принесла ушпору веце як 500 міліонів евр дякуючі понижаню кількости урядів і одстранїню дупліціт. Тыж ефектівнішу справу посередництвом кумулації компетенцій а пересун частей выкону справы на окресны уряды в крайскых містах. Тым бы ся подля нєй приближыли службы обчанім і спростила бы са адміністратіва.,,СНС тым кроком потверджує свою обовязку пересаджовати одповідне господаріня зо штатныма фінанціями, ефектівный выкон верейной справы а навернутя ку освідченому історічному моделу, котрый є обчанім природно близкый,” увела говоркыня.

(TASR, Шутіова)