Україньскы мужі у віці 18 аж 22 років можуть по новім, і в рамках станного права, слободно переходити штатну граніцю в обoх напрямах. Вчера то увела україньска премєрка Юлія Свіриденкова, інформує о тім аґентура Reuters. „Односить ся то на вшыткых жытелів в тій віковій ґрупі. Рiшіня ся дотыкать і жытелів, котры ся з різных причін находять мімо теріторії України,“ написала Свіриденкова на соціалній сіті Телеґрам з одкликаньом на владный декрет. „Хочеме, жебы Українці утримували штонайвеце контактів з Українов. Зміны наберуть діяня день по офіціалнім публікованю,“ додала україньска премєрка. Подля дотеперішніх правил, запровадженых по впаджіню російскых войск на Україну у фебруарi 2022, мужі у віці 18 аж 60 років не могли штатну граніцю леґално переходити. (TASR, Пкф)