В ґрекокатолицькій парохії Шамброн в неділю 12-го октобра одбыв ся одпуст з нагоды праздника Покровы Пресвятой Богородіці. Головным служытельом быв отець архімандріта Марко Дурлак, протосінкел Пряшівской архієпархії, котрый ся приговорив і в порповіді. Перед торжественнов літурґійов одбыло ся посвячіня обновленого екстерьєру храму і каплічкы (гробкы) отця Антона Манковіча, почас котрого діяня на парохії быв збудованый храм у 1872-ім році. Торжество было збогачене і співом Мужской співацькой ґрупы Шанбріньці і містных дітей. В імени Пряшівской архієпархії были на кінцю переданы дяковны грамоты Петрови Соколови, Яні Жембовій і Іванови Рожекови за їх жертвенну службу і підпору парохії.

(Медвідь, ISPA)