До збіркы Любовняньского музeя того року прибыли далшы цінны артефакты. Франтішка Сарнецка з документачного одділіня музeя про пресаґентуру TASR потвердила, же ся їм недавнo подарило здобыти і барз цінну памятну книгу од родины Лубловариовых. Тоты суть прямыма потомками Раісзовых, котры град в минулости властнили. Од родины Раісзовых і їх потомків при тім музeюм здобыло уж веце як 300 збірковых предметів. В році 2011 на граді отворили їх першу експозіцію, причім дотеперь ся о них подля Сарнецкой много не знало. „Меджі найціннішы предметы, котры сьме за ты рокы здобыли, суть оріґіналны портреты Юрая Фелікса Раісза і його жены Аполоніі і далша ґалерія образів родины, особны предмеґы, ерб, параван з ербом і далшы,” выменoвала Сарнецка. (Пкф, TASR)