Чехія подля председу Сенату Мілоша Вістырчіла потребує силны і незалежны інштітуції а слободны медія. Кедь довіра в інштітуції слабне, підпише ся то подля нёго на цїлїй сполочности. Повів то у четверь у своїм адвентнім прояві. Вызвав в нім на діалоґ і взаємне начуваня і припомянув і важность членства ЧР в ЕУ і NATO, інформує справодайкыня TASR в Празї. Сучасна чеська сполочность жыє подля Вiстырчіла у світї повнім неістот і новых вызев, но зарівно в безпечній і слободній державі. Нова влада подля нёго перевзяла ЧР в добрій кондіції. Припомянув рост выплат і економікы а підкреслив, же ЧР є в Европі решпектованым партнером. Попередню владу коаліції оцїнив за крокы, котры зробила, жебы про ЧР забезпечіла додавкы енерґетічных суровин, котры не будуть з авторітарьскых держав. Председа верьхной коморы чеського пaрламенту підкреслив і важность членства Чехії в ЕУ і NATO.

(TASR, Шутіова)