Премєр СР Роберт Фіцо (Smer-SD) повторюючо выголосив, же СР не буде брати участь на далшій войновій пожычцї Українї, але і надале хоче з Українов утримовати взаємны выгодны білатералны одношіня. Авізовав наприклад, же ся планує далше сполочне рокованя влад. Мало бы ся одбыти на теріторії Україны. Выходить то з выражіня Фіца на четверёвій пресовій конференції ку новинарьскому вопросу о тоготыжднёвім самітї тзв. коаліції охотных. ,,Не планую в тім моментї прямо путь до Кієва, але планую далше сполочне засїданя. То бы мало быти теперь зась на теріторії Україны, затоже послїднїраз сьме го мали в Кошіцях. Барз рады одпутуєме, цїла влада, приготовиме конкретны проєкты, але будеме ся веновати міровій кооперації,“ познаменав. Фіцо повторяв, же не є согласный з назором векшыны держав Европской унії на войну на Українї. Думать сі, же представа о тім, же при неперерывній фінанчній підпорі Україны дойде ку ослабіню Росії, є мылна. Продовжованя войны буде подля ёго слов вести лем ку статісячім жертв.

(TASR, Шутіова)