Днесь (9. 1.) ся у влакох на пути Братїслава-Кошіцї одбуде інформачна кампань Ліґы проти раковинї (ЛПР) напрямена на превенцію онколоґічных захворінь. TASR о тім інформовав говорця Желїзнічной сполочности Словеньско (ЖССК) Ян Бачек. ,,Як народный доправця маме можность денно ословити тісячі путуючіх а тоту одповідность сі повно усвідомлюєме. Віриме, же путь влаком може быти не лем комфортна і еколоґічна, але і іншпіратівна а проспішна. Зато повно підпоруєме кампань Ліґы проти раковинї, котра приносить до влаків тему превенції онколоґічных захворінь. Нашы путуючі так будуть мочі вывжыти час, котрый здобудуть протягом пути влаком на то, жебы ся веновали свому здравю. Віриме, же і така ініціатіва поможе захранити жывоты,“ увела ґенерална директорка ЖССК Івана Пінёсова. Путуючі будуть мати можность спробовати сі на макетах правилный способ самовышетріня, достануть інформації, в якім віку абсолвовати єднотливы превентівны переглядкы а дознають ся о значіню очкованя проти ГПВ. Одборници і добровольнци з ЛПР будуть прямо меджі путуючіма додавати цїнны інформації і укажкы, котры можуть помочі вчас одгалити захворіня.

(TASR, Шутіова)