Християньско демократічный рух (KDH) хоче сучасну владу демократічно змінити і зробить вшытко про то, абы Роберт Фіцо в політіці скінчів. На пресконференції вчасі їднаня цілословеньского сейму KDH в Ружомберку то выголосив председа руху Мілан Маєрьскый.   Підкреслив, же християньскы демократы были при тім, коли ся скінчила тоталіта, аі коли взникла Словакія. „KDH было при тім, коли пав Мечіар, і буде при тім, коли паде Фіцо і вычеряме го. Влада, котра прийде, буде мати і за участи KDH найліпшый економічный і прородинный проґрам,“ конштатовав Маєрьскый. Тоты вопросы будуть про кажду опозичну партію ключовыма в бою за волича. (TASR, Пкф)