Як бы ся парламентны вольбы одбыли в януарі, выграв бы їх Smer-SD із прибытком 18 процентів голосів. Наслідувала бы ĽSNS, котра бы здобыла 12,8 процентів, і За людей із прибытком 10,8 процентів голосів. Выходить то із дослідженя аґентуры Focus, котре ся реалізувало од 15-го до 22-го януара на взоркі 1013 респондентів на обїднавку телевізії Markíza.
В дослідженю преференції наслідувала коаліція PS-Spolu із 9,8 процентами. OĽaNO бы здобыло 9 процентів, наслідував бы рух Сьме родина із 7,6 процентами і KDH, котре бы здобыло 5,7 процентів. SaS бы здобыв 5,5 процентів і SNS бы мала 5,2 процентів. До парламенту бы ся недостала партія Most-Híd, Добра вольба, ани партія Власть. (TASR, Pkf)