Словацькый міністер справодливости Боріс Суско навщівив у четверь Прагу. В головнім містї ЧР ся стрїтив з чеськым резортным партнером Павлом Блажком, з котрым говорили о проблемі высокой кількости арештантів в обидвох країнах. Міністры подля Суска діскутовали головно о трестній політіцї штату. Подля Блажка належить Словакія і Чехія ку штатім, в котрых є найвеце арештантів на кількость жытелїв. ,,То не є добра інформація. То значіть, же заоставаме в дачім, што бы єм назвав модерне трестаня а тоту проблему маме сполочну,” підкреслив. Зарівно припомянув, же на Словакії приготовлёвав реформу на рїшіня той проблемы уж єден зо Сусковых предходцїв Віліам Карас. Додав, же нова влада хоче надвязати в тій области.

(TASR, Шутіова)