x

Влада хоче добудовати ареал Музея голокавсту в Середї

00

Влада бы мала добудовати цїлый ареал Музея голокавсту в Середї а выбудовати в нім памятник венованый жертвам голокавсту. Іде о добровольну обовязку СР, котру преднесе председа влады СР Едуард Геґер (OĽANO) на форі на высокій уровни ку припоминаню голокавсту і бою проти антісемітізму у шведьскім містї Малмо 13. октобра. Пропозіцію обіцянок і обовязків схвалила влада на своїм четверёвім рокованю. Геґер ся мать тыж на форі завязати ку хоснованю екзістуючіх навчалных матеріалів о історії Ромів а о їх ґеноцідї почас другой світовой войны. Проглубити ся так мають знаня школярїв і штудентів. Зорґанізовати бы ся могли подїї про учітелїв і творцїв педаґоґічных матеріалів повязаны з хоснованём рекомендацій Меджінародной аліанції про припоминаня голокавсту (IHRA) про навчаня і освіту о голокавстї з року 2019. Одбыти бы ся мали і замірны превентівны крокы на підвышіня свідомости молодой ґенерації о голокавстї і небезпеченстві ёго скреслёваня.

(TASR, Шутіова)

Прочітайте собі / Pročitajte sobi