Warning: "continue" targeting switch is equivalent to "break". Did you mean to use "continue 2"? in /data/0/8/082ffc60-0c8a-4a01-bb61-c643ea3346fc/rusynmedia.com/sub/radio/wp-content/plugins/types/embedded/includes/wpml.php on line 638

Warning: "continue" targeting switch is equivalent to "break". Did you mean to use "continue 2"? in /data/0/8/082ffc60-0c8a-4a01-bb61-c643ea3346fc/rusynmedia.com/sub/radio/wp-content/plugins/types/embedded/includes/wpml.php on line 655
В Словакії з причины артичной зимы помер четвертый чоловік | rusyn FM
x

В Словакії з причины артичной зимы помер четвертый чоловік

00

Артична погода на Словакії сі выжадала уж четверту жертву інформувала о тім говоркыня Операчного центра захранной здравотной службы СР Алена Кырчова. Стало ся то в Нітрянскім краю. Рятовникы од неділі до вчерайшнього дня дали лікарьску поміч в 16 припадах підхолоджіня. Рятовникы давають раду, абы обывателі при важнім підхолоджіню контактовали тісньову лінку 155. Оператор їм дасть раду, як поступовати і в припаді потребы вышле рятовників. Кырчова пояснює, як такому чоловікові помочі: “ Підхолодженого чоловіка даме до тепла, до містності із звычайнов теплотов і як є потрібне, мокре шатя выміниме за сухе. Подаваме солодженый літній напой, не горячій. Підхолоджены люди бы в ниякім припаді немали пити алкогол, бо в такім припаді ся їм розшырюють жылы і підхолодженому чоловікові уникать тепло з тіла і послідні звышкы тепла што є причинов дальшого згоршованя його здравотного ставу.“
(TASR)