Словацька република (СР) собі днесь 1-го септембра припоминать Дньом Уставы СР свій найвысше поставленый правный предпис – Уставу СР. Тот день є на Словакії штатным святом. Одобріня Уставы СР 1-го септембра 1992-ім року выпереджує акт  повязаный з приятям Декларації о незалежности СР. Тоту словацькый парламент одобрив 17-го юла 1992-ім року, в часі, кедь Словацька република была іщі частьов Чеськой і Словацькой Федератівной републикы   (ČSFR) і одбыли ся їднаня чеськой і словацькой репрезентації о дальшім союзі меджі Словаками і Чехми. Приятя Уставы СР посунуло тот процес к договору о розділіню Чесько-Словеньска. (TASR, Pkf)