x

Засіданя НР СР ку одкликаню влады буде у віторок

00

Міморядне засіданя парламенту ку опозічній пропозіції на высловліня недовіры владі СР почне у віторок 21-го януара. Аґентуру TASR о тім інформовало Одділіня комунікації з медіями і публіков Народной рады Словацькой републікы. Пропозіцію на скликаня засіданя подали вєдно опозічны партії. Владу крітікують за наслідкы консолідації публічных фінанцій і зміну загранічнополітічного прямованя Словакії напрямом на выход. Термін 21-го януара запропоновав тот тыждень сам премєр Роберт Фіцо, котрый приобіцяв, же на засіданю буде брати участь.

(Медвідь, TASR)