Міністерков внутрішніх справ буде Сакова. Орґанізаторы протестів хотіли незалежного чоловіка
Міністерство внутрішніх справ бы не мало быти під контрольов парті SMER-SD. Перед Урядом влады на то в понедільок апеловали орґанізаторы цілословацькых протестів За почливу Словакію. Резорт бы подля них мав рядити незалежный чоловік, котрый не є номінантом найміцнішой коалічной партії, ани з ньов не є нияк повязаный. „Тото, што сьме хотіли повісти панови премєрови прямо і говориме му то і днесь є, же міністерство внутрішніх справ бы не мало быти під контрольов партії SMER-SD, міністерство бы мав рядити незалежный чоловік, котрый жадным способом не є перевязаный з партійов SMER-SD, або не є номінантом партії SMER-SD. І тот наш апел є єднако напряменый і на пана Буґара і пана Данка як коалічных партнерів,“ повів орґанізатор протестів Юрай Шеліґа. О номінації на функцію міністра вчера їднала Фіцова партія. Днесь соціалны демократы оголосили, же новов міністерков буде Деніса Сакова, котра має ку Робертови Калинякови близко і того часу є державнов секретарьков міністерства. Сакова мала на старости заказку, о котрій говорив прокуратор Шпеціалізованого карного суду Василь Шпірко і з котрой мали іти провізії Калинякови і його камаратови, бывшому міністрови транспорту Янови Почіяткови.
(TASR, Медвідь)
-
Назад / Nazad Премєр хоче мінімалну мзду над 500 евр
-
Далше / Dalše Подникательске середовище в Словакії треба разантно зліпшыти