Од понедїлька 24. януара буде на пішых і ціклістів дозерати веце шандарїв. Контролёвати будуть не лем дотримованя їх повинностей, але тыж дотримованя повинностей шоферів вочі тым найзранітельнїшым участникам дорожного руху. Доводом є підвышаюча кількость негод і зо смерельныма наслїдками. TASR о тім інформовала говоркыня Презідія Поліцайного збору Деніса Бардіова. ,,Веце шандарїв буде передовшыткым на переходох про пішых, в близкости школ, шпыталїв, желїзнічных і автобусовых станіць, церьквей, цінтерїв і накупных центер,“ приближыла Бардіова.

(TASR, Шутіова)