На будові Братїславского граду у четвер підвечур світив напис #WeRemember. Народна рада СР ся так запоїла до цїлосвітовой кампанї з нагоды Меджінародного дня спомінкы на жертвы голокавсту. На насвічіню брав участь і председа парламенту Боріс Коллар. Меджінародный день памняткы жертв голокавсту выголосило Валне згромаждїня ОСН в роцї 2005 як день спомінкы на шість міліонів жыдівскых жертв голокавсту протягом другой світовой войны. Датум припоминать 27. януар 1945, кедь Червена армада ослободила націстічный концентрачный і выголодовачій табор Auschwitz-Birkenau.

(TASR, Шутіова)