Влада знова одкладать повинность заплатити поістне на соціалнім поіщіню. Выходить то з матерялу з ділні Міністерства праці, соціалных справ і родины СР, котрый днесь одобрив владный кабінет. Одклад одваджаня поіщіня про самостатны заробково діючі особы (SZČO) і поіщіня, котре платить заместнаватель за період януаря 2021, буде до 30-го юна. Одклад ся дотулять і плачіня повинных вкладів на старобне пензійне шпоріня (II. pilier) і вклад на додаткове пензійне шпоріня (III. pilier), котре повінні платить заместнаватель за робітника выконаваючого різікову роботу. (TASR, Pkf)