Презідент Словацькой републикы Петер Пеллеґріні підписав днесь новелу закона, котра ся дотулять заробітків здравотників. Завдякы новелі закона будуть мати здравотны сестры і рятовниці о 9,7 процента рочні высшы заробіткы, покы консолідація рахує лем з тройпроцентным звышіньом. Ай лікарї будуть мати неплановано высшы заробіткы, як предпокладала консолідація, і то о 6,4 процента намість трьох. Пресаґентуру  TASR о тім інформував одбор комунікації Канцеларії презідента СР. (TASR, Pkf)