Міністерство школства, наукы, дослідженя і шпорту СР у звязку з пандемійов захворіня COVID-19 покы заслало школам 66 міліонів евр. Інформує о тім шеф резорту школства Браніслав Ґроглінґ на соціалній сіті. На компензацію заробітків про робітників матерьскых школ ішло дотеперь 29 міліонів евр. Школам ся посылали фінанції і на забезпечіня дезінфекції, дезінфекчны потребы і на іншы кошты повязаны з гіґєнічно-епідеміолоґічныма кроками. (TASR, Pkf)